منتديات poo7

احلى منتدى لاحلى شباب
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ما الفرق بين باباكى و جوزك ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
b7bek_moot
عضو متحمس
عضو متحمس


عدد الرسائل : 38
Personalized field :
تاريخ التسجيل : 02/08/2008

مُساهمةموضوع: ما الفرق بين باباكى و جوزك ؟؟؟   الخميس أغسطس 14, 2008 12:55 am

لأي بنت ناوية تتجوز أو بتفكر في الموضوع ده...
لااااااازم في الأول تاخد في اعتبارها شوية حاجات...
أنا قلتلكم أهو..علشان مترجعوش تقولوا...كذا وكذا..
طيب اسمعوا بقة...


إيه الفرق بين باباكى وجوزك ... .؟؟

مع بابا.. دخلتى المطبخ ما دخلتيش .. كله واحد وممكن باباكى يساعدك
إنما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديّه وفوقيها بوسه ..
لكن مع جوزك .. بيقول إنت خلاص كبرتى على الحاجات دى

مع بابا.. بتنامى وتصحى وقت ما انتى عايزه ..
مع جوزك .. وقت ماهو عايز .. أو مع مواعيد شغلُه.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى أصلا

باباكى .. كلمة حلوه ترضيه ..
وجوزك .. طول الليل تِحَايلى فيه

باباكى وانتى عيانه .. سهران جنبك طول اليوم
إنما جوزك بيروح ينام فى الأوضه التانيه.

بابا .. لما تِدّلّعى عليه .. بيفرح بيكى
إنما جوزك .. بيقولك ..أكيد عايزه حاجه

باباكى.. لما تقولى له .. ده حصل كذا وكذا .. بيهتم ويصَدّقك
إنما جوزك .. بيقولك .. الموضوع دا وراه إنّ .. ويشك فى كلامك

بابا .. لو شافك بتعيّطى ها يمسح دِمعتك
إنما جوزك .. ها يقولك يادى النكد

مع بابا .. لو حاطه ماكياج فاقع شويه.. ها يقول لك الهادى عليكى أحلى .. وانت أحلى من غيره خالص
لكن جوزك .. ها يقولك شكلك زى عروسة المولد

مع بابا .. لو طلبتى دوا من الصيدليه . جَرى ها ينزل يجيبه
لكن جوزك ها يسالك بكام الأول؟

بابا .. لو طلب منك كُوبّاية مَيّه .. بيقولك لو سمحتى عايز مَيّه
إنما الباشا يقولك قومى هاتى مَيّه

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره .. يا ميلودى


بابا لو نازل مشوار .. بيعمل ليكى اعتبار ويديكى خبر
لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو جالِك مكالمه غلط على موبايلك.. بابا ها يقولك حصل خير
لكن جوزك .. ها يتهمك بالخيانه ...

لو ما فيش فى التلاجه غير إزازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلّع أو ها يقسمها معاكى

لو اتزحلقتى على الأرض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقولك عنك دى تقيله عليكى
لكن جوزك ها يقولك مش ضرورى وجع القلب دَه

لو العربيه عطلت بيكى .. بابا.. ها يقولك إقفليها وتعالى وانا ها اتصرف
جوزك .. ها يقولك متركبيش العربيه تانى

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميلة
إنما جوزك .. ها يقولك انتى اللى ماشيه مش مُحترمه

لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه أصلا وها يقولك يعنى انتى ها تشتغلى وزيره

باباكى لو لاحظ
إنك متخانقه مع أختك .. ها يصالحكوا على بعض
لكن جوزك هيقولك خليهم يولَعوا دول عيله عجب

مهما باباكى كان متضايق .. لا يمكن تكلّميه وتلاقيه مكشر
لكن جوزك.. لو متضايق .. البلد كُلّها هتنكد عليكي.. إستحملى بقى


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mera4ever
مشرف
مشرف
avatar

عدد الرسائل : 50
العمر : 25
تاريخ التسجيل : 09/08/2008

مُساهمةموضوع: رد: ما الفرق بين باباكى و جوزك ؟؟؟   الخميس أغسطس 14, 2008 1:04 am

leh da kolo enshala ywla3 ana h3od adady feh malosh lzom asasan ana aslan msh 3ayza atgwz 5aleny 3nd aboya a7san ydl3ny
gamd moooooooooot elmawdoo3 da
thnx
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ما الفرق بين باباكى و جوزك ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات poo7 :: البنات وبس :: حوارات بنات-
انتقل الى: